Økonomiansvarleg

Om stillinga

Vestland fylkeskommune søkjer økonomiansvarleg / senior økonomirådgjevar til tannhelsetenesta. Stillinga har overordna ansvar for økonomistyring, analyse og utviklingsarbeid, og du rapporterer til stabsleiar. Du arbeider tett på leiinga og bidrar med styringsinformasjon og gode avgjerdsgrunnlag. Rolla kombinerer strategisk rådgjeving med operativ økonomioppfølging.

Arbeidsoppgåver

• Overordna ansvar for økonomioppfølging og samordning i dei geografiske tannhelseområda og tannhelsetenesta samla
• Utarbeide årsbudsjett og gjennomføre budsjettoppfølging og reguleringar i samarbeid med leiinga
• Bidra til vidareutvikling av prosessar, system og verktøy for verksemds- og økonomistyring
• Ivareta og vidareutvikle internkontroll og forsvarleg forvaltning
• Støtte og bidra i innkjøpsprosessar i samarbeid med relevante fagmiljø
• Fagleg oppfølgingsansvar for økonomimedarbeidarane i tannhelsetenesta
• Sikre kompetanseutvikling og intern fagleg opplæring innan økonomiområdet

Kvalifikasjonar

• Høgare utdanning på universitets- eller høgskulenivå, fortrinnsvis mastergrad innan økonomi, samfunnsøkonomi, finans eller rekneskap. Kravet om mastergrad kan fråvikast ved annan relevant utdanning kombinert med solid og lang erfaring.
• Minimum 5 års relevant erfaring frå økonomi- og budsjettarbeid
• Solid økonomi- og budsjettforståing med evne til å arbeide analytisk og omsetje tal til styringsinformasjon
• Erfaring frå fagleg leiing innan økonomiområdet
• Gode munnlege og skriftlege framstillingsevner på norsk

Det er ønskjeleg at du har:

• Erfaring frå offentleg sektor, gjerne innan verksemdsstyring eller større tenesteområde
• Kjennskap til Visma økonomi- og HR-system og Framsikt
• Erfaring med analyse, prognosearbeid og rapportering til leiing

Personlege eigenskapar

• Analytisk og strukturert, med evne til å omsetje komplekse tal til gode vurderingar og råd
• Samarbeidsorientert og tillitskapande på tvers av fagmiljø og nivå
• Sjølvstendig og initiativrik med heilskapleg blikk på fagområdet
• Målretta med god gjennomføringsevne

Vi tilbyr

• Arbeid med eit viktig samfunnsoppdrag saman med engasjerte kollegaer
• Fleksibel arbeidstid
• Gode offentlege pensjons- og forsikringsvilkår
• Løn og lønsutvikling i tråd med Vestland fylkeskommune sin lønspolitikk

Om Vestland fylkeskommune

Vestland fylkeskommune har ansvar for vidaregåande opplæring, tannhelsetenester og kollektivtransport i fylket, og er ein nasjonal pådrivar for eit desentralisert Noreg. Tannhelsetenesta har om lag 550 tilsette fordelt på 55 tannklinikkar, intern fagstab og kompetansesenteret TkVestland.

I samsvar med offentleglova § 25 kan opplysningar om søkjarar bli offentleggjorde. Søkjarar som ber om unntak vil alltid bli varsla før søkjarlista blir offentleggjord.

Søknadsfrist: 15. april 2026
Kontaktperson: Mette Karin Fauskanger, fylkestannhelsesjef – tlf. 92 83 22 96