Økonomiansvarleg for tannhelsetenesta

Økonomiansvarleg for tannhelsetenesta i Vestland fylkeskommune

Vestland fylkeskommune søkjer ein økonomiansvarleg / senior økonomirådgjevar til tannhelsetenesta. Du får overordna ansvar for økonomistyring, analyse og utviklingsarbeid, og arbeider tett på leiinga med å levere god styringsinformasjon og solide avgjerdsgrunnlag. Stillinga kombinerer strategisk rådgjeving med operativ økonomioppfølging, og du rapporterer til stabsleiar.

Tannhelsetenesta i Vestland har om lag 550 tilsette fordelt på 55 tannklinikkar, ein intern fagstab og kompetansesenteret TkVestland.

Arbeidsoppgåver

• Overordna ansvar for økonomioppfølging og samordning i dei geografiske tannhelseområda
• Utarbeide årsbudsjett og gjennomføre budsjettoppfølging og reguleringar i samarbeid med leiinga
• Vidareutvikle prosessar, system og verktøy for verksemds- og økonomistyring
• Ivareta og vidareutvikle internkontroll og forsvarleg forvaltning
• Støtte og bidra i innkjøpsprosessar
• Fagleg oppfølgingsansvar for økonomimedarbeidarane i tannhelsetenesta
• Sikre kompetanseutvikling og intern fagleg opplæring innan økonomiområdet

Kvalifikasjonar

• Høgare utdanning på universitets- eller høgskulenivå, fortrinnsvis mastergrad innan økonomi, samfunnsøkonomi, finans eller rekneskap. Kravet om mastergrad kan fråvikast ved annan relevant utdanning kombinert med solid og lang erfaring.
• Minimum 5 års relevant erfaring frå økonomi- og budsjettarbeid
• Solid økonomi- og budsjettforståing med analytisk evne til å omsetje tal til styringsinformasjon
• Erfaring frå fagleg leiing innan økonomiområdet
• Gode munnlege og skriftlege framstillingsevner på norsk

Ønskjeleg erfaring

• Bakgrunn frå offentleg sektor, gjerne innan verksemds­styring eller større tenesteområde
• Kjennskap til Visma økonomi- og HR-system og Framsikt
• Erfaring med analyse, prognosearbeid og rapportering til leiing

Personlege eigenskapar

• Analytisk og strukturert, med evne til å formidle komplekse samanhengar til leiing og fagmiljø
• Samarbeidsorientert og tillitskapande på tvers av fagmiljø og nivå
• Sjølvstendig, initiativrik og med eit heilskapeleg blikk på fagområdet
• Målretta med god gjennomføringsevne

Vi tilbyr

• Arbeid med eit viktig samfunnsoppdrag saman med engasjerte kollegaer
• Fleksibel arbeidstid
• Gode offentlege pensjons- og forsikringsvilkår
• Løn i tråd med Vestland fylkeskommune sin lønspolitikk

Kontakt

Spørsmål om stillinga rettast til fylkestannhelsesjef Mette Karin Fauskanger, tlf. 92 83 22 96.

Søknadsfrist: 15. april 2026